Ndotja e ajrit shkakton kancer tek joduhanpirësit, sipas studimit

Shkencëtarët në Mbretërinë e Bashkuar thonë se më në fund kanë identifikuar se si ndotja e ajrit mund të shkaktojë kancerin e mushkërive te joduhanpirësit.

Sipas studimit, grimcat e vogla të prodhuara nga automjetet me motor me djegie nxisin rritjen e qelizave të mushkërive që përmbajnë mutacione që shkaktojnë kancer.

Gjetjet, të cilat nuk janë publikuar, u prezantuan në konferencën vjetore të Shoqatës Evropiane për Onkologjinë Mjekësore në Paris të shtunën.

“Qelizat me mutacione që shkaktojnë kancer grumbullohen natyrshëm ndërsa plakemi, por ato zakonisht janë joaktive. Ne kemi demonstruar se ndotja e ajrit zgjon këto qeliza në mushkëri, duke i inkurajuar ato të rriten dhe potencialisht të formojnë tumore”, tha profesori Charles Sëanton, i cili drejtoi studimin në Institutin Francis Crick dhe University College London (UCL)

Shkencëtarët gjetën gjithashtu norma më të larta të llojeve të tjera të kancerit në zonat me nivele të larta të grimcave të imëta.

Ata spekulojnë se ndotja e ajrit mund të nxisë rritjen e qelizave që mbartin mutacione që shkaktojnë kancer në trup

Parandalimi i kancerit

Studiuesit zbuluan se bllokimi i një molekule të quajtur IL-1β (interleukin-1β) – e cila normalisht shkakton inflamacion dhe lëshohet në përgjigje të ekspozimit ndaj PM2.5 parandalon formimin e kancerit, shkruan Euronews.

Tony Mok, një profesor në Universitetin Kinez të Hong Kongut, i cili nuk ishte i përfshirë në hulumtim, i quajti gjetjet “intriguese dhe emocionuese”.

LEXONI GJITHASHTU: 

• Pse mënyra se si flini mund të jetë ‘parashikuesi më i fortë’ se kur do të vdisni?