Ndotje akustike në Durrës, 2 pronarë lokalesh shoqërohen në komisariat

Pronarët e dy lokaleve në Durrës janë shoqëruar në komisariat pasi akuzohen për prishje të qetësisë publike.

Banorët e zonës kanë denoncuar zhurmën e shkaktuar nga muzika e lartë, ndërsa pajisjet janë sekuestruar.

Në vijim të veprimeve, u referuan materialet në Prokurori ku nisi procedimi në gjendje të lirë, për veprën penale “Prishja e qetësisë publike”, për shtetasit O. D., 36 vjeç dhe Sh. K., 55 vjeç, të dy banues në Durrës, thuhet në njoftimin e policisë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

LEXONI GJITHASHTU:

• Përfshihet nga flakët lokali në Durrës, detajet e para  
• Prishën qetësinë publike, procedohen pronari i hotelit dhe muzikanti në Durrës