Ndryshimet brenda PS për zgjedhjet: Majko në Kavajë, Hoxha zëvendëson Shalsin

Ministri i Brendshëm, Ervin Hoxha, do të jetë pjesë aktive e fushatës zgjedhore për zgjedhjet parlamentare të 11 majit, duke u angazhuar në qarkun e Tiranës.

Burime për Euronews Albania konfirmojnë se kryesocialisti Edi Rama i ka besuar Hoxhës drejtimin e njësisë numër 1 të kryeqytetit, duke e zëvendësuar Eduard Shalsin. Ky i fundit, pas mbledhjes së fundit të kryesisë, u emërua drejtues politik për qarkun e Kukësit.

Ndërkohë, Pandeli Majko ka lënë drejtimin e qarkut të Kukësit dhe do të angazhohet në fushatën zgjedhore për Kavajën.

Lëvizjet duket se janë pjesë e strategjisë së Partisë Socialiste për të maksimizuar votën në qarqet e sipërpërmendura.

Në qarkun e Tiranës, drejtuesi politik është Erion Veliaj, ndërsa për fushatën do të angazhohen edhe ministrat Ogerta Manastirliu, Albana Koçi, Delina Ibrahimi, Elisa Spiropali, si dhe Pandeli Majko dhe Ervin Hoxha.

LEXONI GJITHASHTU:

• Ndyshon drejtuesi politik i Partisë Socialiste në Kukës, ikën Pandeli Majko
• Rama mbledh kryesinë e PS-së, në fokus vota e diasporës në zgjedhjet e 11 majit