Ndryshimi nga vota e diasporës, gazetarja: Lapaj 500 vota larg mandatit në Fier

Partia Socialiste ka fituar bindshëm zgjedhjet e 11 majit, duke siguruar nga votat brenda vendit 83 mandate ndërkohë që ende vijon numërimi për votën e diasporës.

Sipas gazetares së Euronews Albania, Enkeleda Mema vota e diasporës mund të sjellë ndryshime në 3 qarqe të vendit, një prej të cilëve është Qarku i Fierit, ku Nisma Shqipëria Bëhet është në një “betejë” me Partinë Socialiste për të marr një mandat,

“Në qarkun e Fierit kemi një përballje mes Partisë socialiste dhe koalicionit Nisma Shqipëria Bëhet. Nisma Shqipëria Bëhet do i duhen edhe 500 vota që të marrë mandatin e saj të parë në Qarkun e Fierit. Këtë mandat koalicioni Nisma Shqipëria mund t’ia marrë Partisë Socialiste e cila aktualisht ka 12 mandate dhe mund të zbresë në 11 mandate”,-tha gazetarja Enkeleda Mema.

Qark tjetër ku ende po “luftohet” për një mandat është Tirana, ku partia Mundësia lufton me Partinë Demokratike për të ruajtur mandatin e saj të dytë.

Gjithashtu në Vlorë, ka një tjetër betejë mes PS dhe koalicionit NSHB, megjithatë në këtë qark shanset e Nisma Shqipëria Bëhet janë më të ulëta për të marrë një mandat.

LEXONI GJITHASHTU:

• Xhaferri: Rezultat i pritshëm për PD, partitë e reja u sollën si të vjetra
• U arrestua për blerje votash, GJKKO liron babanë e kandidates së PSD