Në 27 shkolla ndërpritet mësimi, situata nga reshjet në Shkodër. Rrugët e bllokuara

Gjatë gjithë natës kanë vijuar reshjet e shiut në të gjithë qarkun e Shkodrës.

Mësohet se deri në orët e vona të natës kanë vijuar edhe operacionet e evakuim-shpëtimit në lagjet Kuq, Ajam dhe Bërdicë të Bashkise Shkodër.

Sakaq është ndërprerë qarkullimi në aksin Shkodër-Tiranë tek Harku i Bërdicës për shkak të prezencës së ujit dhe për shkak të dëmtimit të urës së vjetër të Bahçallëkut.

Niveli i lumenjve

Lumi Drin, kuota kritike 7,50, aktuale, 7,40,

Ura Bunës Liqeni, kuota kritike 8,70, aktuale, 7,50.

Bëhet e ditur se ka pasur rënie të niveleve rreth 20cm në raport me ditën e djeshme, por konstatohet rritje e sipërfaqes së përmbytur.

Situata e shkollave

Mësohet se në 27 shkolla nuk mund të zhvillohet procesi mësimor pasi ka probleme me rrugët. Konkretisht:

1 godinë në lagjen Bahçallëk të qytetit të Shkodrës

4 në Shalë

3 në Shosh

7 në Pult

4 në Bërdicë

3 në Dajç

5 në Velipojë.

Situata e akseve nacionale.

Pavarësisht reshjeve te dendura te shiut, të gjithë akset e kontraktuara në qark janë të qarkullueshme.

Mësohet se vetëm në segmentin Dedaj-Bogë në km 5 dhe 13, si rezultat i daljes së dy përrenjve nga shtrati mbi trupin e rrugës, kalimi bëhet me rrugë alternative.

Në segmentin Q.Laç-Koman, si rezultat i reshjeve te shiut të datave 19 e 20, kemi çedim të trupit të rrugës dhe shembjen e një muri mbajtës.

Segmenti Shkoder-Lezhë tek harku i Bërdicës vazhdon të jetë i bllokuar. Kalimi bëhet nga Guri i Zi.

LEXONI GJITHASHTU: 

• Parashikimi i motit për këtë javë në Shqipëri
• Gjenden trupat e pajetë të babë e bir në Malësinë e Madhe