Në fundjavë kthehet ora e pranverës, çfarë ndodh me akrepat

Me ardhjen e pranverës, ndodh dhe ndryshimi i orës, ku akrepat lëvizin 60 minuta përpara.

Ndryshim i orës do të ndodhë këtë fundjavë në natën mes të shtunës dhe të dielës, më 30 mars, kur ora 02:00 do të shkojë në 03:00.

Ky ndryshim sjell një orë më pak gjumë, por një orë më shumë dritë. Ora e verës na “dhuron” më shumë dritë gjatë mbrëmjes dhe më shumë orë me diell gjatë ditës, duke bërë që ditët të duken më të gjata.

Në të gjithë Europën, ora e verës aplikohet me qëllim optimizimin e përdorimit të rrezeve të diellit dhe reduktimin e konsumit të energjisë elektrike. Ky sistem i ndryshimit të orës është miratuar nga Bashkimi Europian që në vitin 1981 dhe ka hyrë në praktikë pas Luftës së Parë Botërore, me qëllim kursimin e energjisë.

Orari verore do të vazhdojë deri në fund të tetorit, kur do të kalojmë në orën diellore.

Ndryshimi i orës është një praktikë që është zbatuar uniformisht në të gjitha shtetet e Europës. Megjithatë, ka pasur diskutime të vazhdueshme për mundësinë e heqjes së tij, ndërsa që nga viti 2021, Këshilli i BE-së ka kërkuar një vlerësim të detajuar të ndikimeve të këtij ndryshimi. Ende, nuk ka pasur një vendim përfundimtar.

Disa shtete si Turqia, Rusia dhe Bjellorusia kanë vendosur të mos e zbatojnë ndryshimin e orës, duke mbajtur të njëjtin orar gjatë gjithë vitit.

LEXONI GJITHASHTU:

• Koha e pajisjes me kartat e identitetit ulet në vetëm 3 ditë, sa kushton procedura
• VIDEO/ “Mora Fjalë” rikthehet të këndohet në ”Arenën Kombëtare”