Në gjendje kritike për jetën, 17-vjeçarja e plagosur në Vlorë niset drejt Tiranës
Një 17-vjeçare, e cila u soll e plagosur nga familjarët në spitalin e Vlorës, është nisur drejt Tiranës për shkak të gjendjes së rëndë.
Sipas burimeve, 17-vjeçarja është në gjendje kritike për jetën dhe është plagosur me plumb afër syrit.
Policia e Vlorës ka shoqëruar të atin e saj për ta marrë në pyetje lidhur me ngjarjen pasi ka qenë ai i pari që e ka shoqëruar në spital dhe për të mësuar se ku e ka gjetur vajza armën duke mos e lejuar ta shoqërojë atë drejt Tiranës.
Ai është shoqëruar me forcë nga policia pasi ka kundërshtuar duke u thënë se donte të shoqëronte vajzën drejt Tiranës, ndërsa efektivët të komanduar dhe nga Drejtori i Policisë së Vlorës e kanë futur në makinë.
Nga informacione paraprake dyshohet se 17-vjeçarja mund të jetë vetëplagosur, por gjithçka do të konfirmohet nga hetimet e policisë.
Njoftimi i policisë për ngjarjen:
“Sot, rreth orës 11:40, është paraqitur në spital, në gjendje të rëndë shëndetësore, një shtetase e mitur 17 vjeçe, e cila dyshohet se është vetëplagosur me armë zjarri pistoletë, në banesën e saj, në lagjen ‘Kushtrimi’.
Grupi hetimor po punon për sqarimin e plotë të rrethanave të ngjarjes”, thuhet në njoftim.

LEXONI GJITHASHTU:
Incident në Policinë e Shtetit, ish-drejtori i Policisë së Shkodrës pezullohet pasi u përplas me drejtuesen e Burimeve Njerëzore
Fermerët e Korçës thirrje qeverisë: Na ndihmoni të sigurojmë prodhimet
Gazetari shqiptar në SHBA tregon historinë e Goxhajt në luftën e Kosovës: Dokumenti t’i nënshtrohet ekspertizës
- 16:04 “Mendova se do të vdisja’ – Venezuelianët përshkruajnë panikun e tërmetit, familjet ende kërkojnë të mbijetuarit
- 15:51 Incident në Policinë e Shtetit, ish-drejtori i Policisë së Shkodrës pezullohet pasi u përplas me drejtuesen e Burimeve Njerëzore
- 15:50 Rusia sërish kundër Evropës, Zakharova: Vendet evropiane po pengojnë arritjen e paqes në Ukrainë
- 15:43 Rubio: Vendet e Gjirit kundër tarifave në Hormuz
- 15:36 Fermerët e Korçës thirrje qeverisë: Na ndihmoni të sigurojmë prodhimet
- 15:19 Gazetari shqiptar në SHBA tregon historinë e Goxhajt në luftën e Kosovës: Dokumenti t’i nënshtrohet ekspertizës