Në gjurmët e të atit, djali i Ronaldinhos drejt kalimit te Barcelona

Joao Mendes de Assis Moreira, djali i legjendës braziliane të futbollit, Ronaldinho, ka ndërprerë kontratën me Cruzeiro dhe ndodhet në Barcelonë duke iu nënshtruar një prove me ekipin U-19 të Barçës, Juvenil A.

Nëse ai bën mirë dhe trajnerët e konsiderojnë të vlefshëm, trashëgimtari i futbollistit legjendar mund të bëhet lojtar i Barcelonës.

Marrëveshja po udhëhiqet personalisht nga presidenti Joan Laporta, i cili është ai që po flet me Ronaldinhon, një nga ambasadorët e klubit, edhe pse logjikisht fjalën e fundit do ta kenë trajnerët. Komiteti i Sporteve nuk ka marrë pjesë në asnjë moment në këtë çështje.

Joao Mendes, 17 vjeç, luan si sulmues ai është mëngjarash dhe ka një gajtësi prej 1.78 metra.

Nuk dihet ende nëse marrëveshja do të finalizohet. Por edhe nëse ajo ndodh, trashëgimia e babait te Barça do të jetë shumë e vështirë për t’u kapërcyer.