“Messi, ai xhuxhi, ai miu i kanaleve”- skandal përgjimesh me drejtuesit e Barcelonës

Një skandal ka përfshirë ekipin e Barcelonës në Spanjë. Sipas “El Periodico de Catalunya”, hetimi i autoriteteve spanjolle ka zbuluar se publikimi i shifrave stratosferike të kontratave të Messit dhe Gerard Pique është bërë nga vetë klubi katalanas.

Qëllimi i përfqësuesve të klubit, me në krye Presidentin e atëhershëm Bartomeu, ka qenë që futbollistët kyç të Barcelonës të denigrohen përballë tifozërisë së ekipi.

Por kjo nuk është e gjitha, këtë të enjte janë publikuar dhe ofendimet e rënda që zyrtarët e lartë të Barcelonës i bënin lojtarëve më të mirë të skuadrës.

Roman Gomez Ponti, njeriu përgjegjës për shërbimet ligjore të Barçës , sulmoi dhe ofendoi Messin në të njëjtën ditë kur u bë publike kontrata e tij shumë milionëshe. Në një mesazh drejtuar Presidentit të atëhershëm Bartomeu ai shkruante, si më poshtë:

“Bartomeu, sinqerisht, nuk mund të tregohesh kaq i mirë me atë mi kanalesh. Klubi i ka dhënë gjithçka dhe ai vendosi diktatin e tij për merkaton, rinovimet, reklamat, duke parë vetëm interesin e tij. Ne i dimë shantazhet që na ka bërë ai xhuxhi, që Barcelonës i ka borxh jetën. Por, kur vjen pandemia, të çon mesazh ty në WhatsApp, duke të thënë që t’ia ulësh rrogën të gjithë të tjerëve, por vetëm atij dhe Luisit (Suarez) jo. Shpresoj që të largohet sa më parë nga Barcelona”.

Ndërkohë që Presidenti Bartomeu iu përgjigj: “Jam dakord me shumë gjëra, por Barcelona është e para dhe artikuj të tillë e dëmtojnë klubin”.

LEXONI GJITHASHTU

• Messi merr ‘ofertën e çmendur’ nga Arabia Saudite, mund të zbresë Ronaldon nga froni
• Përballja e fundit? Fati vendos sërish kundërshtarë në fushë Messin dhe Ronaldon
• Pele u nda nga jeta në moshën 82-vjeçare, por nëna e tij është ende gjallë