Në ”Ilva Now” diskutohet se si do të organizohen zgjedhjet

Partitë kanë dorëzuar mbrëmjen e së hënës listat e deputetëve në Komisionin Qendror të Zgjedhjeve dhe tashmë kanë nisur, edhe pse ende jo zyrtarisht, fushatën elektorale.

Mirëpo KQZ ka kthyer pas për mungesë dokumentacioni disa nga listat e dorëzuara, ende fleta e votimit nuk është miratuar, ndërkohë që mbetet e paqartë nëse do të votojnë apo jo të prekurit nga COVID-19.

Komisioneri Shtetëror i Zgjedhjeve, Ilirjan Celibashi tha në emisionin “Ilva Now” se vetëm një parti politike ka dorëzuar një listë të saktë me kandidatë për deputetë në zgjedhjet e 25 prillit. Ai tha se në tërësi partive u mungonin dokumente plotësuese si formulari i dekriminalizimit, CV-ja e kandidatëve, apo dhe numri i lejuar i kandidatëve.

Lexoni më shumë: Ilirjan Celibashi thotë se vetëm një parti ka dorëzuar listë të saktë në KQZ

Në fillim të emisionit Celibashi sqaroi edhe faktin se përse partive iu lejua të dorëzonin listat e kandidatëve edhe pse ishte tejkaluar afatit zyrtar. Ai tha se vonesat nuk ishin të mëdha dhe se për këtë janë mirëkuptuar.

Lexoni më shumë: Pse partive iu pranuan listat pas përfundimit të afatit të dorëzimit? Përgjigjet Ilirjan Celibashi

Për sa u përket fletëve të votimit, ende nuk është përcaktuar se si do të jetë ajo, me emra apo me numra kandidatësh krahas listës së partive. Gjatë emisionit “Ilva Now” u sqarua se në cilin rast do të konsiderohet vota e vlefshme.

Lexoni më shumë: Si mund të votojnë qytetarët dhe kur rrezikohet që vota e tyre të shpallet e pavlefshme?

Pyetja kryesore që mundon opinionin publik është se sa do të duhet që KQZ të nxjerrë rezultatin e zgjedhjeve për procesin e radhës zgjedhor. Celibashi sqaroi se pritet që për zgjedhjet e 25 prillit rezultati të dalë për 48-72 orë.

Lexoni më shumë: Kreu i KQZ tregon procedurën dhe afatin: Rezultati i zgjedhjeve do dalë më shpejt

Celibashi theksoi se si asnjëherë tjetër KQZ-ja ka buxhet për të informuar me fushata publikun për sa i përket çështjeve më të paqarta dhe premtoi se ditët në vijim do të ketë lëvizje në këtë drejtim.