Në kërkim për drogë në Itali, arrestohet në Shqipëri narkotrafikanti

Drejtoria e Forcës së Posaçme Operacionale në Departamentin e Policisë Kriminale ka realizuar me sukses operacionin e koduar “Operacionalja 18”, gjatë të cilit është kapur një 41-vjeçar, i shpallur në kërkim ndërkombëtar.

41-vjeçari., banues në Manzë të Durrësit, ishte nën hetim për trafikim të lëndëve narkotike dhe kishte një urdhër arresti ndërkombëtar të lëshuar nga Gjykata e Brescias në Itali më në shtator të këtij viti.

Policia bën me dije se vijon bashkëpunimi me homologët italianë për ekstradimin e këtij shtetasit drejt Italisë.

“Si rezultat i informacioneve të siguruara nga inteligjenca policore dhe të shkëmbyera me partnerët në Itali, në vijim të  operacionit antidrogë, të koduar “Tornado” mbi vendndodhjen e një shtetasi shqiptar, të shpallur në kërkim ndërkombëtar, për llogari të Italisë,  Drejtoria e Forcës së Posaçme Operacionale në Policinë e Shtetit, gjatë operacionit policor të koduar “Operacionalja 18”, kapi në Durrës  dhe vuri në pranga shtetasin E.L., 41 vjeç, banues në Manzë, Durrës

Gjykata e Brescias /Itali me date 29.09.2024 ka lëshuar vendim “urdhër arresti ndërkombëtar” si i dyshuar për kryerjen e veprës penale “Trafikimi i lëndëve narkotike”, kryer në kuadrin e organizatës kriminale.

Vijon bashkëpunimi ndërmjet Interpol Tiranës dhe Interpol Romës, për ta ekstraduar këtë shtetas, në Itali”, thuhet në njoftimin e policisë.

LEXONI GJITHASHTU:

• Emri| Në kërkim për grabitje me armë, ekstradohet drejt Italisë 46-vjeçari
• Në kërkim ndërkombëtar nga SPAK, ekstradohet nga Kolumbia 25-vjeçari shqiptar