Në mëshirën e ujit, reshjet përmbytin Europën, probleme në lindje e perëndim

Niveli i ujërave të Danubit, më i larti që prej 2013-s, ka përmbytur argjinaturat në Budapest.

Për shkak të intensifikimit të ujërave, zyra e bashkisë së kryeqytetit hungarez njoftoi se makinat e parkuara pranë tyre janë larguar. Nga të dhënat e fundit, niveli i ujit të Danubit rezulton 6.93 metra.

Barriera kundër përmbytjeve janë ngritur në lokalitete të shumta përgjatë lumit holandez Lisel, pas një periudhe shirash të dendura. Sipas autoriteteve lokale, niveli i ujit në lumin në fjalë po rritet me shpejtësi, me një centimetër në orë.

Niveli dhe intensiteti i ujërave është rritur edhe në Gjermaninë fqinje, me terrenin që është ngopur dhe ka vështirësuar thithjen e ujit nga toka.

Ndërkohë, në perëndim të Lituanisë priten reshje të dendura në ditët e ardhshme. Edhe pse në disa zona niveli i ujit po tkurret, parashikimet për 25 milimetra shi kanë ngritur shqetësime.

LEXONI GJITHASHTU:

• Parashikimi i motit për festa, priten përmbytje dhe ngrica
• Stuhi dhe përmbytje në verilindje të SHBA, mbi gjysmë milioni njerëz pa energji