Parashikimi i motit për festa, priten përmbytje dhe ngrica

Festat e Nëntorit, do të shoqërohen me një reshje shiu dhe ngrica. Temperaturat për 28 dhe 29 nëntor nuk paraqiten në favor të shqiptarëve, të cilët do të festojnë të sheshet kryesore të qyteteve në vend.

Meteorologu Hakil Osmani tha se ditën e martë, 28 nëntor parashikohen reshje me intensitet të lartë në disa qytete.

“Në datë 28 nuk ka lajme të mira, kemi shi jo vetëm Tiranë por në gjithë territorin. Herë pas here me intensitet të lartë duke bërë që të kemi dhe përmbytje dhe jo vetëm Tirana por dhe Shkodra, Lezha, Durrësi dhe Vlora…”, tha Osmani.

Ulja e temperatruave ka nisur prej disa ditësh, kushte atmosferike që do të vijojnë gjatë gjithë javës. Meteorologët bëjnë thirrje për kujdes, për këdo që udhëton në zonat problematike.

“Do t’i kemi reshjet në saisra të pakta…ngricat pritet të jenë problematike e kësaj jave. Do të kemi masa arjerore të pasura me lagështi, do të kemi vranësira me reshje shiu”, tha ai.

Ditën e enjte dhe të premte pritet një përmirësim i motit, por fundjava do t’i rikthehet temperatruave të ftohta, me shi dhe reshje dëbore.

LEXONI GJITHASHTU:

• Parashikimi i motit për javën, Osmani: Priten reshje shiu dhe temperatura të ulëta
• Moti i keq përfshin vendin, bora ‘mbërrin’ edhe në Elbasan. Policia apel qytetarëve