Moti i keq përfshin vendin, bora ‘mbërrin’ edhe në Elbasan. Policia apel qytetarëve

Moti i keq që ka përfshirë vendin ka ‘goditur’ edhe qarkun e Elbasanit, ku në disa zona ka rënë edhe dëborë.

Policia përmes një njoftimi, raporton se në aksin rrugor Prrenjas-Qafë Thanë kanë nisur reshjet e dëborës, por fatmirësisht deri në keto momente ky aks është i kalueshëm.

Po ashtu Policia njofton se kontraktorët jane në terren pa ndërprerje për pastrimin e rrugëve nga bora, nga rënia e materialeve në zonat me intensitet shiu dhe për shpërndarjen e kripës.

Gjithashtu Policia apelon drejtuesit e mjeteve që të bëjnë kujdes në lëvizje, të respektojnë sinjalistikën rrugore, të reduktojnë shpejtësinë, të pajisen me zinxhirë dhe goma dimërore dhe të ndjekin udhëzimet.

Njoftimi i Policisë:

Qarku Elbasan-Shërbimet e Policisë kanë rritur prezencen në akset rrugore urbane e rurale për shkak të motit te keq.

Aktualisht në aksin rrugor Prrenjas-Qafë Thanë kanë nisur reshjet e dëborës, ❄️ deri në keto momente ky aks është i kalueshëm.

🚜Kontraktorët jane në terren pa ndërprerje për pastrimin e rrugëve nga bora, nga rënia e materialeve në zonat me intensitet shiu dhe për shpërndarjen e kripës 🚧

Policia Rrugore e Elbasanit apelon për drejtuesit e mjeteve që të bëjnë kujdes në lëvizje, të respektojnë sinjalistikën rrugore 📵🚸  të reduktojnë shpejtësinë, të pajisen me zinxhirë dhe goma dimëror, të ndjekin udhëzimet e sherbimeve tona te Policisë Rrugore👮👮🏻♂️

Në rast nevoje për ndihmë, telefononi në numrin 112.

LEXONI GJITHASHTU:

• Dëbora ‘mbulon’ Dibrën, bllokohen të tjera rrugë. Ja kush janë akset e pakalueshme
• Bora në Dibër, bllokohet aksi bypass-Qafë Murrizë, rrugët që kalohen me zinxhir