Dëbora ‘mbulon’ Dibrën, bllokohen të tjera rrugë. Ja kush janë akset e pakalueshme

Reshjet e dendura të dëborës kanë shkaktuar problematika në disa nga akset rrugore në qarkun e Dibrës.

Përmes një njoftimi, Policia thotë se të pakalueshme janë akset rrugore Peshkopi-Maqellarë- Bulqizë: Bulqizë-Ura e Vashës-Qafë Murrizë; Peshkopi-Kuben-Kukës.

Ndërkohë Policia njofton se strukturat e saj janë në gatishmëri të plotë për t’i ardhur në ndihmë qytetarëve.

Njoftimi i Policisë:

Dibër-Reshjet e dendura të dëborës vijojnë të bien në zonat e qarkut Dibër dhe për këtë shkak disa akse rrugore janë bërë të pakalueshme, dhe konkretisht: aksi rrugor Peshkopi-Maqellarë- Bulqizë: Bulqizë-Ura e Vashës-Qafë Murrizë; Peshkopi-Kuben-Kukës.

Firmat e mirmëmbajtjes së këtyre akseve po punojnë intensivisht për hapjen e tyre.

Strukturat e Drejtorisë Vendore të Policisë Dibër, janë në gadishmëri të plotë për ti ardhur në ndihmë çdo përdoruesi rruge dhe apelon për drejtuesit e mjeteve që të mos qarkullojnë pa goma dimërore dhe zinxhirë duke shkaktuar trafik dhe bllokim rruge, të shmangin lëvizjet e panevojshme dhe të mos bëjnë manovra të rrezikshme në rrugë.

Në rast nevoje për ndihmë, telefononi në numrin 112.

LEXONI GJITHASHTU:

• Panairi i Librit “Tirana 2023” hap dyert nga data 15 deri në 19 nëntor
• Bora në Dibër, bllokohet aksi bypass-Qafë Murrizë, rrugët që kalohen me zinxhir