Kryetari i Partisë Demokratike, Sali Berisha në fjalën e tij nga protesta e PD i bëri thirrje Edi Ramës të largohet pasi ka dëmtuar rëndë imazhin e vendit në botë.

Berisha i kërkoi Ramës të hiqte tanket që sipas tij ka në vilën e vet në Surrel pasi siç tha, idealet e këtij revolucioni shpojnë çdo blind.

“Edi Rama, këtë ndërtesë e ke blinduar, në Surrel ke fituar tanket dhe autoblindat e ushtrisë. Tani po të them që ato tanke, largoji nga Surreli, gjysmën çoji në Ukrainë, po nuk të lë Putini dhe Vuçiçi, sepse idealet tona, idealet e këtij revolucioni shpojnë çdo blind, asgjësojnë çdo tank. Mjerë ti!” tha Berisha.

Sipas Berishës, Shqipëria shihet sot në mbarë botën si strofull e rrezikshme e korrupsionit, e krimit dhe drogës, pasi Rama korruptoi zbuluesin më të rëndësishëm partnerit tonë kryesor.

“Me këtë akt, duke korruptuar një nga njerëzit më të çmuar në fushën e sigurisë të vendit që ka bërë më shumë se çdo tjetër për lirinë e shqiptarëve, ti Edi Rama ka kryer një akt armiqësor, për të cilin Putini është gati të të varë në qafë dekoratën më të lartë”, tha Berisha.

LEXONI GJITHASHTU:

• “Në shpojmë çdo blind”- Berisha Ramës: Tanket largoji nga Surreli, çoji në Ukrainë
• Berisha merr fjalën mes ovacioneve: Rama ka marrë pjesë në skandalin e shekullit