Nën kërcënimin e armës, grabitet kongresmeni amerikan në Uashington

Kongresmeni amerikan Henry Cuellar është mbajtur nën kërcënimin e armëve ndërsa makina e tij ishte vjedhur në Uashington të hënën në mbrëmje, sipas raporteve të mediave lokale.

Cuellar, një republikan nga Teksasi, thuhet se ishte duke parkuar rreth një milje (1.6 km) nga Kapitoli i SHBA-së kur atij iu afruan tre persona të armatosur.

Ai mbeti i padëmtuar dhe automjeti i tij u gjet më vonë.

Policia e Kapitolit të SHBA tha në një deklaratë se detektivët po punonin për të gjurmuar të dyshuarit.

Incidenti ndodhi rreth në lagjen juglindore të qytetit, Navy Yard.

Makina, telefoni dhe iPad i 68-vjeçarit u morën gjithashtu, sipas shefit të stafit të Z. Cuellar, Jacob Hochberg.

Numri i grabitjeve të makinave në Uashington ka qenë në rritje vitet e fundit. Në vitin 2021, departamenti i policisë lokale nisi një grup pune për t’u marrë me këtë çështje.

Sipas të dhënave të fundit të policisë, deri më tani këtë vit në qytet ka pasur 750 incidente të vjedhjes së makinave dhe 75% e këtyre veprave kanë të bëjnë me armë.

LEXONI GJITHASHTU: 

• Drejtori i Përgjithshëm i Policisë takon të ngarkuarin me punë të SHBA-së
• Delfino Rent-A-Car zgjeron partneritetin franchise me SIXT në Shqipëri