Nënkoloneli i zjarreve në Vlorë tregon momentet e vështira

Nënkolonel Pëllumb Hidri ka vite që shërben në Forcat e Armatosura.

Gërdeci ishte operacioni i parë i emergjencave civile ku mori pjesë. Që prej atëherë ka drejtuar dhjetëra të tilla.

Vjet u vu në krye të pjesë më të madhe të operacioneve për shuarjen e zjarreve në Vlorë. Për punën e bërë mori dhe një medalje.

“Ka pasur momente që kemi ecur mbi 4 orë rrugë e më pas kemi punuar për shuarjen e zjarrit”, tregon ai.

Trupat komando janë të stërvitura për terrene të vështira. Por rreziku, sidomos nga zjarret është gjithnjë I pranishëm.

Nënkolonel Hidri dhe njerëzit e tij vazhdojnë luftojnë me zjarret. Në shtator pritet t’u vijë në ndihmë Mekanizmi Europian i Mbrojtjes Civile. Një strukturë në Bruksel ku të gjithë shtetet anëtare deklarojnë sa njerëz e pajisje kanë për të përballuar situate emergjence.

Deri më tani ndihma për shuarjen e zjarreve ka ardhur falas nga mekanizmi, ose qeveria shqiptare ka marrë me qira mjetet e një shteti tjetër.

Në strukturën e emergjencave civile bëjnë pjesë zjarrëfikësit, Forcat e Armatosura, vullnetarët, policia dhe urgjenca shëndetësore.

Drejtori i kësaj të fundit, Skënder Brataj mendon se pas futjes në mekanizmin europian, duhet më tepër koordinim.

Shqipëria ka 1400 zjarrfikëse dhe 4 helikopterë për emergjencat që vitet e fundit nuk kanë munguar. Gjatë tërmeteve të 20019-s, pandemisë dhe zjarreve në ndihmë megjithatë i kanë ardhur njerëzit dhe pajisjet e mekanizmit europian ku tentojmë të futemi.

LEXONI GJITHASHTU:

• Shqipëria në Mekanizmin Europian të Mbrojtjes, Çako tregon përfitimet