Nënkomisari Hoxha shpallet “Dëshmor i Atdheut”, Çuçi: Trajtim financiar për fëmijët

Nënkomisari Saimir Hoxha është shpallur “Dëshmor i Atdheut” me vendim qeverie. Lajmi u dha nga ministri i Brendshëm, Bledi Çuçi, i cili theksoi se fëmijët e tij do të trajtohen financiarisht nga shteti.

Çuçi theksoi që deri 18 vjeç fëmijët e Hoxhës do të marrin trajtim, më pas nëse vijojnë shkollën e lartë do të marrin 170% të pagës së nënkomisarit.

“Me marrjen e titullit dëshmor i atdheut, kur të hyjë në fuqi ligji i ri, familjarët dhe posaçërisht fëmijët do trajtohen si fëmijë nën përkujdesje të republikës. Fëmijët do të marrin një trajtim deri në moshën 18-vjeç. Nëse vazhdojnë shkollën e lartë deri në 25-vjeç, të dy djemtë e tij, do të marrin një pagë deri në 170% të pagës që ka pasur nënkomisari Saimir Hoxha”, u shpreh Çuçi.

Ai shtoi se fëmijët do të marrin edhe shërbim shëndetësor falas dhe të gjitha përfitimet që vijnë nga statusi i dëshmorit të babait të tyre.

Ai garantoi se dy fëmijëve të Hoxhës nuk do u mungojë asnjëherë ndihma nga shteti.

LEXONI GJITHASHTU:

• Meta homazhe për nënkomisarin Hoxha: Luftë frontale ndaj krimit të organizuar
• Homazhe për nënkomisar Saimir Hoxha, efektivi i rënë në krye të detyrës