Nënkryetarja e KQZ Pelinku: Infrastruktura e keqe çoi në mungesën e operatorëve në zonat e thella

Nënkryetrja e KQZ-së Lealba Pelinku gjatë një interviste për gazetarin e Euronews Albania Ardit Hoxha tha se mbulimi nga operatorët ka qenë i kënaqshëm, pavarësisht se disa qendra votimi kanë qenë pa operatorë. Nënkryetarja u shpreh se mungesa e operatorëve ka qenë pasojë e infrastukturës së keq në zonat e thella.

“Mungesa e operatorëve nuk lidhet me trajnimin apo numrin e aplikimeve lidhet me refuzimin e operatorëve për të dhënë shërbimin në zona të largëta, në ato zona ku ka mungesë infrastukture,” tha nënkryetarja Pelinku.

Gjatë intervistës nënkryetarja e KQZ-së tha se vendosja e paisjes elektronike për identifikim është bërë për të shmangur deformimin.

“Ky ishte qëllim për të shmangur rastet që deformojnë. Në radhë të parë janë evdientuar në kohë reale dhe janë denoncuar në KQZ personat që janë paraqitur dy herë dhe do i nënshtrohen hetimit,” u shpreh nënkryetarja e KQZ-së.

Nënkryetarja Pelinku shtoi se problemi me aplikacionin ka sjellë dhe mos ecjen në të njëjtën mënyra më raportimin me qendrat e votimit.