Nesturi: Rama i ka dhënë emër të mirë Shqipërisë me performancën në OKB

Analisti Plator Nesturi ishte këtë të enjte i ftuar në Euronews Albania ku ka komentuar debatin e mbledhjes së Këshillit të Sigurimit të OKB-së, debat i cili u  drejtuar nga kryeministri i Shqipërisë, Edi Rama.

Nesturi tha se kryeministri Rama si drejtues i debatit në Këshillin e Sigurimit i ka dhënë një hapësirë më të madhe emrit të Shqipërisë.

“Zoti Rama në kuadrin e drejtuesit të seancës meqë Shqipëria ka presidencën në këtë periudhë, ka bërë pjesën e tij. Është normale që thelbi i gjithçkaje ishte Ukraina dhe Shqipëria bëri punën e saj.

Unë mendoj se Rama i ka dhënë një hapësirë më të madhe emrit të Shqipërisë, jo vetëm të tijit, pasi në vetvete, kjo ishte një iniciativë e Shqipërisë duke qenë kryesuese e radhës e Këshillit të Sigurimit. Në këtë kuadër edhe ajo që quhet makina propagandistike mund të ndikojë në atë që ne themi për Shqipërinë”,-tha Plator Nesturi.

LEXONI GJITHASHTU:

• Arrestohet personi që plagosi efektivin e Shqiponjave/ Balla përgëzon policinë
• Osmani: Bideni dha garanci për mbështetje të vazhdueshme për Kosovën