Kryeministri izraelit Benjamin Netanyahu u zotua të dielën të “përfundojë punën” kundër Iranit me mbështetjen e presidentit amerikan Donald Trump.

Netanyahu po fliste së bashku me Sekretarin e Shtetit të SHBA, Marco Rubio, i cili po viziton Izraelin në udhëtimin e tij të parë zyrtar në rajon që nga marrja e rolit.

“Gjatë 16 muajve të fundit, Izraeli i ka dhënë një goditje të fuqishme boshtit terrorist të Iranit. Nën udhëheqjen e fortë të Presidentit Trump… nuk kam dyshim se ne mund dhe do ta përfundojmë punën”, tha Netanyahu.

Rubio tha se “nuk mund të ketë kurrë një Iran bërthamor”.

“Është e rëndësishme të theksohet vazhdimisht se nëse flasim për Hamasin ose për Hezbollahun, flasim për dhunën në Bregun Perëndimor, ose flasim për destabilizimin në Siri, ose flasim për ndonjë nga këto çështje militantët në Irak, të gjithë kanë një temë të përbashkët, Iranin. Kjo duhet të adresohet,” shtoi Rubio.

Udhëheqësi izraelit tha se ai ka një strategji të përbashkët me Trump për Gazën dhe të ardhmen e saj, duke u zotuar të hapë “dyert e ferrit” nëse të gjithë pengjet nuk lirohen.

Duke folur me drejtuesit e organizatave hebreje amerikane, Netanyahu tha se plani ishte “i vetmi plan i zbatueshëm për të mundësuar një të ardhme të ndryshme për popullin e Gazës, për Izraelin dhe për rajonin”.

LEXONI GJITHASHTU:

• “Të lirohen pengjet”, Netanyahu paralajmëron rifillimin e luftës në Gazë
• “Ferri do shpërthejë”| Trump: Mbështesim Izraelin nëse rifillon operacionet në Gaza