Netanyahu “refuzoi 2 herë thirrjen e kreu të OKB-së”, thotë ambasadori izraelit

Ambasadori i Izraelit në OKB, Gilad Erdan sulmoi në një deklaratë sekretarin e Përgjithshëm të OKB-së, i cili sipas tij “jo rastësisht” që Antonio Guterres nuk kishte ardhur në Izrael që nga fillimi i luftës.

Guterres kërkoi të fliste me kryeministrin Benjamin Netanyahu dy herë që nga 7 tetori – por Netanyahu “refuzoi të pranonte thirrjen e tij”, tha Erdan.

Erdan tha gjithashtu se agjencitë e OKB-së kanë krijuar “një pamje të rreme” të situatës në terren, duke pranuar pretendimet për Gazën edhe pse “të gjithë e dinë” se ajo kontrollohet nga Hamasi.

Ai tha se hapat e ardhshëm duhet të jenë dëbimi i “zyrtarëve armiq të OKB-së” nga Izraeli, të cilët paraqesin një pamje të rreme të asaj që po ndodh.

Si kujtim, Erdan tha gjithashtu se nënsekretarit të përgjithshëm të OKB-së për Çështjet Humanitare Martin Griffiths i ishte refuzuar viza izraelite dhe stafi tjetër i OKB-së “do të refuzohet”.

LEXONI GJITHASHTU:

• Biden telefonon Netanyahun, zbardhet “porosia” e presidentit amerikan
• Netanyahu: Hezbollahu do të bënte gabimin e jetës  nëse hyn në luftë