Netanyahu “shuan” shpresat për tërheqjen e trupave nga korridori Gaza-Egjipt

Kryeministri izraelit Benjamin Netanyahu ka ripërsëritur refuzimin e tij sa i takon tërheqjes së trupave nga Korridori i Filadelfit në kufirin midis Rripit të Gazës dhe Egjiptit.

“Nëse tërhiqemi, nuk do të mund të kthehemi atje, as për 42 ditë dhe as për 42 vjet”, tha ai gjatë një takimi të kabinetit siç citohet nga një mëdia izraelite.

Kryeministri po i referohej fazës së parë 42-ditore të një marrëveshjeje të propozuar për armëpushim dhe shkëmbim të të burgosurve në Gaza me Hamasin.

Netanyahu pretendoi se Korridori i Filadelfit, një zonë e çmilitarizuar në kufirin midis Gazës dhe Egjiptit, është një “linjë shpëtimi” për Hamasin.

Presidenti i SHBA Joe Biden tha herët të hënën se ai nuk mendonte se Netanyahu po bënte mjaftueshëm për të siguruar një marrëveshje pengjesh me Hamasin.

Pozicioni i vijës së ashpër të Netanyahut në korridor shihet nga udhëheqësit e opozitës dhe familjet e pengjeve izraelite në Gaza si pengesë për përpjekjet për të arritur një marrëveshje armëpushimi dhe shkëmbimi të të burgosurve në Gaza me Hamasin.

LEXONI GJITHASHTU:

• Netanyahu kërkon falje për vdekjet e pengjeve izraelitë ndërsa protestat vazhdojnë
• Netanyahu vendos kontrollin në Korridorin e Filadelfit, Hamasi: Fitore imagjinare