“Never Forget”, lihen në burg anëtarët e bandës së Laert Haxhiut

11 të arrestuarit e bandës së Laert Haxhisë janë lënë në burg këtë të dielë, ndërsa seanca në Gjykatën e Elbasanit është zhvilluar në masa të forta sigurie.

Gjyqtarja Megi Strakosha pranoi kërkesën e prokurorit të çështjes, Kreshnik Ajazi, i cili kërkoi masën e sigurisë “arrest me burg” për të gjithë të akuzuarit.

Në burg u lanë Artan Tafani, Erisiana Abedini, Lulzim Spahia, Ligor Romaçka, Bujar Abedini, Bledar Berberi, Mariglen Topuzi, Enriko Xhahysa, Klea Xhafa, Idriz Manaj dhe Fatjon Haxhiu.

Ata u arrestuan gjatë operacionit “Never Forget“, i zhvilluar disa ditë më parë, cili zgjati rreth 12 orë, ku policia mundi të shkatërrojë një grup vrasësish me pagesë të cilët në qytete të ndryshme të Shqipërisë dhe jashtë vendit kishin kryer krime dhe ishin anonim për policinë.

LEXONI GJITHASHTU: 

• “Interpelancë me Ramën”, Basha: Të sqarojë urgjentisht deklaratën për KFOR
• “Vuçiç i përfshirë në skenar”, Basha: Armatimi në Kosovë është futur prej muajsh