Nga 1 janari pensionistët udhëtojnë falas me urban, rregullat si funksionon

Nga 1 janari i vitit 2025, pensionistët në Tiranë do të udhëtojnë falas në të gjitha linjat urbane të kryeqytetit ndërsa do të jetë Bashkia e Tiranës ajo që do të subvencionojë abonetë e tyre.

Në një intervistë për Euronews Albania, Kostandin Foni i Shoqatës së Transportit Publik shpjegoi të gjitha rregullat e udhëtimit dhe mënyrën sesi pensionistët do të pajisen me abonenë falas.

“Pensionistët do të marrin abonenë falas në një nga 5 pikat e shpërndarjes ku do të paraqesin vetëm kartën e identitetit. Aboneja e pensionistit do të jetë ndryshe nga abonentë e tjera dhe do të jetë e shoqëruar me foton dhe gjeneralitetet e personit posedues. Kjo abone nuk do të jetë e vlevshme për udhëtim nëse pensionisti nuk do të ketë me vete kartën e identitetit gjatë udhëtimit, që do të thotë që pensionisti duhet të ketë gjatë udhëtimit edhe abonenë dhe kartën e identitetit”, tha Kostandin Foni.

Ndërsa një pensioniste që ndodhej në urban tha se kjo gjë është shumë e mirë, dhe kryetari i Bashkisë sipas saj po mendon tamam për popullin.

LEXONI GJITHASHTU:

• Nga janari urbanët falas për pensionistët e studentët, të tjerët 40 lekë
• “Të rritet pensioni!” Të moshuarit: Nuk mjafton dhurata një herë në vit