Detaje të reja janë zbuluar nga marrja në pyetje e 6 personave në lidhje me vdekjen në rrethana të paqarta të kenianes, 22-vjeçarja Joy Ayoko, e cila më 14 gusht u gjet e dhunuar barbarisht poshtë hostelit në rrugën “Pandeli Evangjeli”.
Burime për Euronews Albania nga grupi hetimor thanë se 6 të shoqëruarit, mes tyre dhe Rodin Barçi, shoferi i kazinos dhe vëllai i tij, pasi janë marrë në pyetje lidhur me ngjarjen janë lënë të lirë.
Ndërkohë që atyre u janë sekuestruar telefonat celuarë. Përveç vëllait të Rodin Barçit, të shoqëruarit e tjerë janë miqtë dhe shokët e ngushtë të shoferit të kazinos.
Sa i përket dëshmisë së Barçit ai ka mbajtur të njëjtën linjë me atë të dhënë pak kohë më parë, ku ka mohuar të jetë i përfshirë në ngjarje. A ka deklaruar se me 22-vjeçaren kishte patur një marrëdhënie intime e cila kishte përfunduar përpara se të ndoshte rrahja barbare e saj.
Të njëjtat burime, bëjnë me dije se drejt Kenias janë dërguar letër porosi lidhur me autopsinë e 22-vjeçares dhe pritet që dhe Interpol të përshpejtojë procedurat për bashkëpunim lidhur me ngjarjen. Ndonëse telefonat janë sekuestruar, grupi hetimor ka hasur vështirësi me telefonin e kenianes për shkak se ajo përdorte numër kenian. Gjithashtu telefoni i saj ka qenë i dëmtuar. Sa i përket komunikimeve edhe ato janë në gjuhë keniane dhe disa edhe anglisht kështu që pritet edhe të përkthehen.
Ndërkohë një ndër pikëpytjet e mëdha është edhe deklarata e mikeshave të Joy-t, ku përkthyes i deklaratave ka qenë Rodin Barçi. Grupi hetimor ka dyshime të forta se dëshmia e vajzave mund të jetë tjetërsuar pasi Rodin Barçi ka qenë i dyshuari kryesor që në fillim të ngjarjes.
Ndonëse hetimet vijojnë pritet që zbërthimi i telefonave celular të ndihmojë grupin hetimor për zbardhjen e plotë të ngjarjes. Teksa natën e ngjares nga pamjet filmike është parë një person i cili është afruar pranë hostelit ku jetonte 22-vjeçarja Joy Ayoko. Burime nga grupi hetimor bëjnë me dije se ngjarja është drejt zbardhjes.
LEXONI GJITHASHTU: