VIDEO/ Nga Gjirokastra në Dibër, atmosfera e 28 Nëntorit në rrethe

Festat e 28 dhe 29 Nëntorit kanë bashkuar shqiptarët në të gjithë qytetet e vendit, të cilët kanë festuar nën ngjyrat e simboleve kombëtare dhe flamurit kuqezi.

Në Gjirokastër, atmosfera në qytet ka qenë disi e qetë, përveç organizimeve zyrtare dhe homazheve të zhvilluara në Memorialin e Rilindasve.

Në Elbasan, festimet e pavarësisë nisën në qendër të qytetit, në një atmosferë të gëzuar, ku ranë në sy fëmijët e veshur me simbolet kombëtare pranë Bandës Frymore dhe bustit të Aqif Pashë Elbasanit.

Edhe Durrësi zhvilloi disa aktivitete kulturore në kujtim të 113-vjetorit të pavarësisë, përfshirë ekspozita pikturash me motive kombëtare dhe koncertin e Bandës Frymore që përmbylli ditën e parë të festimeve. Megjithatë, shumë qytetarë durrsakë kanë zgjedhur të largohen nga qyteti bregdetar për të festuar jashtë vendit.

Në qarkun e Korçës, 113-vjetori u përkujtuar me aktivitete zyrtare, ndërsa veçanërisht spikatuan të rinjtë e gjimnazit “Petro Nini Luarasi” në Ersekë, të cilët rikthyen në memorie figurat e shquara të luftës për liri dhe pavarësi.

Në Dibër, qyteti u zbukurua me simbolet kombëtare, megjithëse atmosfera mbeti e qetë.