Nga mbushjet e kutive, te votimet masive, si Vuçiç manipuloi zgjedhjet në Serbi

Partia Progresive Serbe e presidentit Vuçiç, SNS, festoi fitoren në zgjedhjet e parakohshme parlamentare mes deklaratave për mashtrim të bëra nga opozita dhe mosbesim nga vëzhguesit ndërkombëtarë. Grupi opozitar pro-evropian denoncoi intimidimet ndaj mediave dhe aktivistëve të të drejtave civile, si dhe shkelje të tjera.

Vëzhguesit e organizatave ndërkombëtare nuk ishin në gjendje të konfirmonin një mashtrim sistematik elektoral nga qeveria, por janë shprehur dakord me ankesat e opozitës.

“Çdo përpjekje për të manipuluar fushën e lojës është shkak për shqetësim dhe cënon rezultatin. Mendoj se kemi qenë shumë të qartë në raportimin tonë. Nuk ishte një lojë e drejtë”, deklaroi Farah Karimi, vëzhguese e OSBE-së.

Vëzhguesit konfirmuan gjithashtu manipulimet para elektorale të denoncuara edhe nga opozita.

“Ata deklaruan se kishin konstatuar parregullësi si mbushje të kutive të votimit, votime në grup dhe probleme me fshehtësinë e votës. Gjithashtu, ata denoncuan ardhjen e flukseve të njerëzve nga jashtë Beogradit për të votuar në Beograd, si dhe njerëz të cilët nuk ishin as nga Serbia”, deklaroi gazetarja e Euronews Serbia, Nataša Ðulić Banović.

Raporti i fundit i OSBE-së do të publikohet pas dy muajsh. Sërish, dyshimet për manipulime mund të kenë qenë vendimtare për zgjedhjet lokale në Beograd.

Pjesa tjetër e Serbisë ka votuar për partinë në pushtet. Opozita pretendon se humbja e saj është shkak i dominimit të presidentit Vuçiç në mediat serbe dhe intimidimi i zyrtarëve civilë.

LEXONI GJITHASHTU:

• Media britanike kritika Vuçiç: Manipuloi zgjedhjet në Serbi
• “Vota me fotokopje në Serbi”- Kreu i delegacionit të KiE: E vërteta është shokuese