Nga negociatat e Shqipërisë në BE deri tek komentet për politikë! Gonzato flet ekskluzivisht për Euronews Albania

Në një intervistë ekskluzive për Euronews Albania, ambasadori i Bashkimit Evropian, Silvio Gonzato, flet për fazën aktuale të integrimit të Shqipërisë, duke e cilësuar si një moment kritik dhe një mundësi që nuk duhet humbur.

Për gazetaren Mirela Milori, ambasadori komenton raportimet për bllokim të procesit nga nëntë shtete anëtare të BE-së. Ai thotë se “negociatat vazhdojnë” dhe “nuk mendoj se mund të flasim për bllokime”.

Diplomati i BE shprehet se Komisioni Evropian ka dhënë një vlerësim teknik pozitiv, por tani vendimmarrja u takon shteteve anëtare, të cilat po diskutojnë standardet përmbyllëse për grupin e kapitujve.

Ambasadori shpreh mbështetjen për institucionet e drejtësisë dhe vlerëson punën e SPAK, ndërsa komenton edhe përplasjet mes mazhorancës dhe drejtësisë. Për herë të parë, Gonzato komenton edhe akuzat personale të kreut të Partia Demokratike e Shqipërisë, Sali Berisha, ndaj tij.

Intervistën e plotë të ambasadorit të BE-së, dhënë gazetares Mirela Milori, mund ta ndiqni në orën 19:45.