“Nga njëra anë i thua regjim nga ana tjetër puthesh”, Manjani: Rezoluta si fjalimet e veteranëve

Juristi Ylli Manjani komentoi në emisionin Now në Euronews Albania votimin sot në Kuvend të rezolutës për integrimin që mori votat e mazhorancës dhe opozitës.

Sipas tij, rezolutat nuk kanë ndonjë vlerë për integrimin, përveç faktit që tregojnë lidhur me klimën politike të një vendi.

‘Këto rezoluta janë si fjalimet e ca veteranëve, që kanë mbetur ende gjallë, në varrezat e dëshmorëve. Pikë vlere nuk ka. Lexoni Kushtetutën e Shqipërisë, ajo që është e detyrueshme është Kushtetuta dhe ligji. Rezolutat janë përralla, përfshirë edhe ato të Komisionit të Jashtëm të BE-së. Ka 0 vlerë. Raportet nuk janë të detyrueshme, bëhen për të krijuar një klimë politike rreth Shqipërisë.

Ajo që tregon Parlamenti sot nuk tregon asgjë tjetër, veç faktit që PS dhe PD e kanë gjetur gjuhën për diçka. Nga njëra anë i thua regjim, nga ana tjetër puthesh me të. Për mua nuk përbën më problem kjo’, tha Manjani.