‘Ngec’ numërimi i votave preferenciale në disa njësi në Tiranë

Gjatë gjithë ditës së djeshme në të 92 e KZAZ-të e vendit është vijuar numërimi i votave të kandidatëve. Në disa qarqe madje numërimi ka ecur me ritme shumë të mira, ndërkohë që është ndërprerë mbrëmjen e djeshme në orën 24:00 për të rifilluar sot në orën 9:00.

Por në disa njësi të Tiranës, ende nuk ka nisur numërimi i votave preferenciale mëngjesin e sotëm

Gazetarja e Euronews Albania, Elona Gjylmi raportoi nga njësia 5 në kryeqytet, ku siç tha asnjë prej numëruesve nuk kishte ardhur ende deri në orën 09:25, pasi kishin qenë duke numëruar votat preferenciale deri në orën 01:00 pas mesnate.

Gazetari Merin Maçi gjithashtu, i cili raportoi nga KZAZ nr. 9 në zonë e Muzeut Kombëtar, nënvijëzoi të njëjtën situatë. Në këtë KAZAZ që numëron 95 kuti votimi PS ka dalë në avantazh votash me PD, e ndjekur nga LSI.