Ngjarja te Aeroporti i Vlorës, kosovari aksidentoi 60-vjeçarin nga Dibra/ EMRAT

Policia e Vlorës ka dalë në një deklaratë zyrtare lidhur me aksidentin e ndodhur mbrëmjen e së premtes në kantierin e ndërtimit të Aeroportit të Vlorës, ku një person ka humbur jetën.

“Ngjarja ndodhi më datë 17 janar 2025, rreth orës 21:20, kur një fadromë e drejtuar nga shtetasi 63-vjeçar Rrahman Sllamniku nga Kosova, ka humbur kontrollin dhe ka përplasur një trajler që drejtohet nga Nusret Xhoka, 60-vjeça, nga Dibra”, thuhet në njoftimin e policisë.

“Si pasojë e përplasjes, drejtuesi i trajlerit, 60-vjeçari Nusret Xhoka nga Dibra, ka humbur jetën në vendngjarje. Specialistët për Hetimin e Krimeve në Komisariatin e Policisë Vlorë kanë arrestuar shtetasin Rrahman Sllamniku, banues në Prishtinë, për veprën penale të “Shkaktimit të aksidentit me pasoja fatale”, njofton Policia e Vlorës

Hetimet vazhdojnë për zbardhjen e plotë të rrethanave të ngjarjes.

LEXONI GJITHASHTU:

• Aksident në kantierin e Aeroportit të Vlorës, fadroma përplas shoferin e kamionit
• Ekskluzive/ Rindërtohet skena, si ndodhi atentati ndaj Kristian Markut në Fier-Vlorë