Ngjarja tronditëse që e largoi nga alpinizmi, rrëfehet mes dhimbjes Lela: Humba një mik

Këtë të dielë në Interview me Mirela Milorin në Euronews Albania ka qenë i ftuar Alfred Lela, gazetari i njohur. Lela ndau si rrallë herë në emisionin e Milorit momentin e tij të vështirë, kur u plagos gjatë një ecjeje alpine në Munellë, ku një miku i tij humbi jetën.

“Kam pasur një moment shumë të vështirë në Pukë, në Munellë. Shumë të vështirë, midis Pukës dhe Mirditës, ku humba mikun tim të dashur Ndoc Mulaj dhe u plagosëm unë dhe Iliri. Ai ishte një moment i vështirë. E ndërpreva për 1 vit e gjysmë dhe vijova të kthehesha dalëngadalë. E mendova veten të humbur. Të ikur. Ajo ndjesia e shpejtësisë, e cila të kthehet në një pasqyrë të verdhë dhe ti e kupton që ke rënë. Janë shumë pak sekonda. Aty është ajo prekja që ti aty thua, që i thua vetes: ky është fundi. Ika përfundimisht. Fati ishte që rashë në degët e një pishe dhe më mbajti çanta”, -tha Lela.