Ngjela: Gërdeci gjëmë historike, dyshohet se ka gisht qeveria shqiptare

Avokati Spartak Ngjela e cilësoi Gërdecin një gjëmë historike. Në një intervistë për Euronews Albania ai tha se dyshohet se qeveria shqiptare ka gisht në ngjarjen tragjike.

“Duhet të kujtohemi se ajo është një gjëmë historike që ka ndodhur dhe që po dyshohet që ka gisht vetë qeveria shqiptare që zgjidhet për të mbrojtur popullin, shoqërinë e vet që për efekte fitimi ka vrarë 26 veta,” – deklaroi Ngjela i cili theksoi se vërtetimin e këtij dyshimi e ka në dorë SPAK-u.

Sipas tij nëse SPAK-u vërteton që qeveria shqiptare ka gisht sqarohet diçka madhore për historinë e Shqipërisë.

“Si mund të vriten 26 veta, 26 njerëz të pafajshëm, punëtorë të shkretët sepse do të fitosh para ti,” – tha Ngjela.

LEXONI GJITHASHTU:

• Zbulohen akuzat ndaj Fatmir Mediut, “Gërdeci” do hetohet dhe për pastrim parash
• Çështja ‘Gërdeci’, avokati Beqiri: Zyra ku hyri Shkëlzen Berisha