Zbulohen akuzat ndaj Fatmir Mediut, “Gërdeci” do hetohet dhe për pastrim parash

SPAK njoftoi këtë të mërkurë mbylljen e hetimeve në lidhje me ish-ministrin e Mbrojtjes Fatmir Mediu për çështjen “Gërdeci”.

Gazetari i Euronews Albania, Eni Ferhati, bën me dije se Mediu akuzohet nga Prokuroria e Posaçme për veprën penale të “Shpërdorimit të detyrës” dhe Shpërdorim i detyrës” në bashkëpunim me subjekt ushtarak-kuadër komandues

Gazetari zbulon se Mediu i mohoi akuzat në gjykatë dhe tha se në cilësinë e ministrit të Mbrojtjes ka zbatuar vetëm VKM-të e dala për demontimin e armëve.

“Prokuroria e Posaçme ka dërguar në GJKKO dosjen ndaj ish-ministrit të Mbrojtjes Fatmir Mediu, me dy akuza atë të “Shpërdorimit të Detyrës” dhe “Shpërdorim i detyrës” në bashkëpunim me subjekt ushtarak-kuadër komandues.

Gjatë komunikimit që iu bë zotit Mediu të akuzave, ai nuk i pranoi ato duke thënë se në cilësinë e ministrit të Mbrojtjes ka zbatuar të gjitha VKM-të e dala për demontimin e armëve në fabrikën e Gërdecit”, tha Ferhati.

Krahas Mediut per të cilin është dorëzuar kërkesa në GJKKO për gjykim për akuzat e “Shpërdorimit të detyrës” dhe “Shpërdorim i detyrës” në bashkëpunim me subjekt ushtarak-kuadër komandues SPAK ka hapur hetim më vete edhe për akuzat e pastrimit të parave dhe korrupsionit lidhur me çështjen e Gërdecit.

“Në kuadër të këtij proçedimi penal janë kryer gjithashtu veprime të mëtejshme në lidhje me proçedurën e shitjes së municioneve luftarake nga Ministria e Mbrojtjes dhe ndërmarrja “MEICO” ndaj shoqërive të huaja “Evdin” ltd, me seli në Qipro dhe “AEY”, me seli në Florida”, njofton SPAK.

LEXONI GJITHASHTU:

• SPAK mbyll hetimet për Fatmir Mediun, dërgon në gjykatë çështjen
• SPAK e akuzon zyrtarisht për ‘Gërdecin’, Mediu: S’e pranoj akuzën, jam i pafajshëm
• SPAK thërret Fatmir Mediun për çështjen e Gërdecit