Çështja “Gërdeci”, avokati Beqiri: Zyra ku hyri Shkëlzen Berisha

Avokati Idajet Beqiri deklaroi se Sali Berisha ka kryer një korrupsion të lartë shtetëror për familjen e tij, duke iu referuar tragjedisë së Gërdecit.

Në një intervistë për Euronews Albania, Beqiri nënvizoi se Shkëlzen Berisha, djali i ish-kryeministrit, ka shkuar katër në zyrën e ministrit të Mbrojtjes në atë kohë, Fatmir Mediu.

Po ashtu, sipas Beqirit, Shkelzen Berisha ka shkuar edhe dy here te zyra e ministrit të Drejtësisë, Aldo Bumçi.

Beqiri tha se pasi mori licencat nga të dy ministrat, Shkelzën Berisha ia dha mikut të tij të ngushtë.

“Në 2008-n, Saliu bëri korrupsionin e lartë shtetëror për familjen e vet, duke i vrarë shqiptarët. Ai, pasurinë e shqiptarëve, armët e shqiptarëve, barutin e shqiptarëve, në vend që të shiteshin në rrugë normale dhe kjo pasuri t’u kthehej shqiptarëve, ai mori Gërdecin, e ndërtoi ay ku nuk mund të ndërtohej kurrën e kurrës, me një vendim të Këshillit të Ministrave, antikushtetues, e konpromentoi ministrin e Brendshëm, nuk e dëgjoi ministri i Financave.

Ata nuk patën fuqinë, sepse Shkëlzen Berisha kishte marrë flamurin e babait dhe ai në zyrën e Fatmir Mediu, derisa sa mori licencën, i vajti katër herë. E realizoi që ia mori licencën. Dy herë te zyra e ministrit të Drejtësisë dhe ia mori licencën. Ia dha shokut  shokut më të ngushtë të tij”, theksoi ai.

LEXONI GJITHASHTU

• Avokati tregon shifrën: Milionat e eurove që duhet të kthejë familja Berisha
• “Kush ka dy-tre shtëpi të taksohet dhe hetohet”, thirrja e anëtarit të Nismës Thurje
• ‘Rama s’del në publik prej 4 ditësh’, gazetari: E ftoi Armand Duka, por nuk shkoi