“Kush ka dy-tre shtëpi të taksohet dhe hetohet”, thirrja e anëtarit të Nismës Thurje

Anëtari i Nismës Thurje, Marsel Rupi thotë se një nga mënyrat sesi pushteti vendor vjedh qytetarët, është taksimi i banesës.

Në një intervistë për Euronews Albania, Rupi u shpreh se një person i cili ka vetëm një banesë, paguan të njëjtën taksë si dikush i cili ka dy ose tre banesa.

Sipas tij, personat që kanë më shumë se një banesë duhet të taksohen më shumë dhe të hetohen.

“Takson njësoj, një familjar që ka shtëpinë e tij që jeton dhe një person që ka blerë, dy, tre apo katër shtëpi dhe i ka të mbyllura, boshe. Nëse ke një shtëpi që nuk jeton, mund të jetë normale, një emigrant vjen e përdor, nuk ka problem.

Një person që ka blerë tre apo katër shtëpi, ky duhet hetuar në radhë të parë. Taksoje, bëje me një taksë më të lartë, ai do detyrohet ta japë me qira. Duke e dhënë shtëpinë me qira, do  ketë ofertë-kërkesë dhe do ulen qiratë”, theksoi ai.

LEXONI GJITHASHTU

• ‘Rama s’del në publik prej 4 ditësh’, gazetari: E ftoi Armand Duka, por nuk shkoi
• “Jo vetëm Rama”- Gazetari deklaratë të bujshme: Politikanët që ka takuar McGonigal
• “I kapa në loto”/ Flet e dashura e McGonigal: Solli një çantë plot me para