Avokati tregon shifrën: Milionat e eurove që duhet të kthejë familja Berisha

Avokati Idajet Beqiri e konsideron presion ndaj SPAK-ut dhe gjykatës, deklaratën e kryedemokratit Sali Berisha, i cili tha se do nxjerrë popullin në shesh për skandalin e ish-zyrtarit të FBI-së, Charles McGonigal.

Në një intervistë për Euronews Albania, Beqiri u shpreh se ka ikur koha e këtyre presioneve ndaj institucioneve.

Sipas tij, Berisha dhe familja e tij, duhet të kthejë pasurinë mbi 300 milionë euro.

“Do ta nxjerr popullin në rrugë thotë, do vijë e gjithë Shqipëria në Tiranë, për këtë mega aferë dhe do bëjë revolucion. Është presion, bjer aty ku dhemb, te SPAK-u dhe te gjykata. Ka ikur koha e këtyre presioneve.

Saliu me familjen e vet, që e inkriminon ai, duhet t’u dorëzojë shqiptarëve pasurinë prej mbi 300 milionë euro.  Të rriten pensionet e njerëzve dhe të marrin dëmshpërblimin njerëzit që i vrau”, theksoi ai.

LEXONI GJITHASHTU

• “Kush ka dy-tre shtëpi të taksohet dhe hetohet”, thirrja e anëtarit të Nismës Thurje
• ‘Rama s’del në publik prej 4 ditësh’, gazetari: E ftoi Armand Duka, por nuk shkoi
• “Jo vetëm Rama”- Gazetari deklaratë të bujshme: Politikanët që ka takuar McGonigal