Ngjela: Gjyqtari që njohu statutin e 11 Dhjetorit duhet të shkojë në burg

Avokati Spartak Ngjela thotë se gjyqtari Agron Zhukri, i cili njohu statutin e dalë nga Kuvendi i 11 Dhjetorit, duhet të shkojë në burg pasi ka kryer vepër penale.

Për emisionin “Sot” në “Euronews Albania”, Ngjela u shpreh se vendimi i tij është i pavlefshëm, për shkak se Komisioni i Rithemelimit nuk është person juridik dhe nuk njihet nga gjykata.

“Gjyqtari shkon në burg sepse ka bërë vepër penale. Vendimi i tij është akt juridik absolutisht i pavlefshëm. Nuk është person juridik, personi i cili i ka çuar kërkesat. Personi juridik që është njohur nga gjykata me statut dhe program prej 30 vitesh, quhet Partia Demokratike”, tha Ngjela.

Sipas avokatit, ankimi i bërë nga kreu i Grupit Parlamentar të PD-së Enkelejd Alibeaj është i ligjshëm, pasi Partia Demokratike është person juridik i njohur nga gjykata.

Më 25 mars, gjyqtari Agron Zhukri njohu Statutin e PD të miratuar në Kuvendin e thirrur nga ish-kryeministri Sali Berisha më 11 dhjetor 2021.

Ndërsa, sot gjyqtarja Blerina Muça e ka rikthyer çështjen për rigjykim dhe tashmë çështja do të shqyrtohet në Gjykatën e Apelit.

LEXONI GJITHASHTU

• Gjykata kthen për rigjykim çështjen e statutit të PD-së
• Kim i përgjigjet Berishës: Do inkurajojmë gjyqtarët të bëjnë punën e tyre