Ngjitet në skenë “Gjuha Mëmë”, reflektim për lirinë e grave shqiptare dhe italiane

Nën titullin “Gjuha Mëmë”, Ema Andrea dhe Aida Talliente kanë ngjitur në skenë një shfaqje, ku teksti i tyre përball fatin e grave shqiptare dhe atyre italiane nga vitet 1990 e deri sot.

Dy vende përballë, me realitete kaq të ndryshme, pikëtakimi i tyre është dëshira dhe nevoja e gruas për të zotëruar lirinë dhe fatin e vet.

Shfaqja me tekst të shkruar nga dy aktoret u ngjit në skenë në tre qytete, në kuadër të Javës së Evropës.

Deti, emigrimi dhe ëndrrat vijnë përmes elementësh skenikë minimalistë, ndërsa motivet muzikore nuk mungojnë.

Gjuha Mëmë” kërkon të përcjellë mesazhin mbi lirinë e njeriut e gruas, në një shoqëri të ndyrshme, ku nëse mungon liria e saj, s’mund të ketë as liri.

LEXONI GJITHASHTU:

• Hollywood-i në Shqipëri, përfaqësues të industrisë globale të filmit në vendin tonë
• “Autoportreti si Otello”, poeti xhamajkan fiton çmimin për poezinë e tij “teatrale”