Këto ditë të ftohta dimri, kryefjala në çdo familje shqiptare është ngrohja.

Që nga ngrohja në diell e deri tek shishet me ujë të ngrohtë nën shtrat, ngrohjen qytetarët durrsakë e sigurojnë në forma të ndryshme, por gjithnjë me kursim dhe orar.

“Me dru. Edhe ato do i fusim me kursim të madh, se mbarojnë shumë shpejt ato, se i thonë 80 mijë lekë 1 metër dru”, thotë një qytetar.

“Ku ja dalim dot ne ta lëmë 2 orë në ditë ne atë. Vetëm kur hamë bukë e ndezim, pastaj në batanije e bidonin tek këmbët”, shprehet një qytetare.

Pavarësisht mënyrave të ndryshme, që zgjedhin për t’i bërë ballë të ftohtit në banesat e tyre, e përbashkët mbetet vetëm një gjë: Pakënaqësia për shpenzimet e larta.

“Duke mos gatuar, se gatuaj me gaz, më shkon fatura 70 mijë”, thotë një grua.

“Unë harxhoj mesatarisht 100 mijë lekë, në verë më pak, por në dimër 100-120”, shprehet një qytetar.

LEXONI GJITHASHTU:

• Gjoba këmbësorëve në Durrës, Çaçellari tregon si procedon Policia: Paguhet në vend
• Hekurudha Durrës-Prishtinë, ministri i Infrastrukturës në Kosovë takime në Shkodër