Nis gjyqi në Apel për vulën e PD, Rithemelimi kërkon mospranimin e ankimimit

Gjykata e Apelit ka nisur këtë të martë, 11 qershor, shqyrtimin e çështjes së vulës dhe siglës së Partisë Demokratike.

Në seancën që po mbahet në Apel, do përcaktohet se kush do të ketë drejtimin e focës më të madhe opozitare në vend.

Rithemelimi i ish-kryeministrit Sali Berisha, përfaqësohet në gjyqin për vulën nga Ivi Kaso, Ledina Mandija dhe Oerd Bylykbashi.

Sakaq, Partia Demokratike e Lulzim Bashës, përfaqësohet nga Indrit Sefa dhe Rezart Kthupi.

Rithemelimi parashtroi në nisje të seancës një kërkesë paraprake që ka të bëjë me mospranimin e ankimimit të Alibeajt për shkak se pretendon që nuk legjitimohen si palë.

Kaso kërkoi lënien në fuqi të vendimit ‘Zhukri’ dhe njohja e vendimeve te Kuvendit Kombëtar të datës 11 dhjetor 2021.

“E drejta e anikimit i takon vetëm palës qe ka vënë në lëvizje gjykatën”, tha Kaso.

Në përgjigje të pretendimit të Rithemelimit, përfaqësuesi i PD, Indrit Sefa se Gjtkata e Lartë e ka ndarë në vendimin e saj kush është palë dhe tashmë duhet të caktohet kush ka tagrat e përfaqësimit

“Gjykata e lartë e ka ndarë kush është palë, por kërkon që të zgjidhe se kush ka tagrat e përfaqesimit”, tha Sefa.

Trupa gjykuese përbëhet nga Alma Ahmeti, Iliba Bezati dhe Elona Toro.

Çështja për vulën e Partisë Demokratike u rikthye në Apel pas vendimit të Gjykatës së Lartë me 27 dhjetor 2023.

Në vendim, Kolegji i Gjykatës së Lartë vlerëson se Apeli nuk ka kryer një hetim të plotë të çështjes, nuk ka kuptuar natyrën e mosmarrëveshjes dhe ka interpretuar gabim normat dhe ligjin procedural.

LEXONI GJITHASHTU:

• Vula e PD/ Gjykata e Lartë e dërgon për rigjykim në Apel çështjen
• Vula e PD/ Sefa: Gjykata e Lartë të zbardhë vendimin, duam përgjigje përfundimtare