Nis protesta në mbrojtje të UÇK-së, qindra qytetarë shihen me pankarta në duar

Qytetarë nga komuna të ndryshme të Kosovës janë mbledhur sot në Prishtinë për të marrë pjesë në një protestë të organizuar nga organizatat e dala nga lufta e Ushtrisë Çlirimtare të Kosovës. Tubimi është mbajtur për të kundërshtuar veprimet e Gjykatës Speciale me seli në Hagë, ku po gjykohen disa ish-krerë të UÇK-së.

Me moton “Kundër padrejtësisë! Në mbrojtje të UÇK-së dhe së vërtetës”, protestuesit janë parë duke mbajtur flamuj kombëtarë dhe pankarta që shprehin mbështetje për të akuzuarit në procesin gjyqësor.

Sipas organizatorëve, disa komuna kanë ofruar transport falas për qytetarët që kanë dashur të marrin pjesë në protestë.

Pjesëmarrësit kanë nisur të mblidhen në qendër të kryeqytetit që në orët e para të ditës.

LEXONI GJITHASHTU: 

• Ali Ahmeti i bashkohet protestës së veteranëve të UÇK-së në Prishtinë 
• Murati refuzon miliardat e “Meta”, Zuckerberg i ofroi bashkëpunim për AI