English

Nis samiti i G7-s në Itali, në fokus siguria, pritet marrëveshje për Ukrainën

KOMENTE

SHPERNDAJE
ARTIKULLIN

Text sizeAa Aa

Ka nisur në Itali samiti i G7-s, ku konfliktet globale, sidomos ai ukrainas, janë në krye të agjendës. Kryeministrja italiane, Giorgia Meloni hapi takimin:

- Advertisement -

“Grupimi G7 nuk është një fortesë e mbyllur në vetvete që duhet të mbrohet nga dikush, por një ofertë vlerash që ne mund t’i ndajmë me botën”,-tha ajo.

Presidenti amerikan Joe Biden dhe presidenti ukrainas Volodymyr Zelensky pritet të nënshkruajnë një akord sigurie dypalësh, që parashikon përdorimin e aseteve ruse të ngrira nga Perwndimi për të mbështetur forcën luftarake të Kievit.

Edhe pse deri më sot zyrtarët evropianë i kanë rezistuar apelit për konfiskimin e aseteve, një marrëveshje është arritur mes vendeve të G7, në bazë të të cilës SHBA mund të mbështesë një hua 50 miliardë-dollarëshe për Ukrainën, duke përdorur asetet e ngrira si “kolateral”.

Por Uashingtoni ka deklaruar se nuk do të angazhojë trupat e saj në Ukrainë, nga frika se mund të përfshihet në luftë direkte me Rusinë.

Pavarësisht se një vendim politik nga liderët e G7-s është marrë, detajet teknike dhe ligjore të akordit duhet ende të hartohen.

Dhe asgjë nuk është e sigurt. Nëse asetet ruse një ditë zhbllokohen, vlera e tyre nuk do të mund të përdoret për të paguar huanë, që kërkon një ndarje të barrës me vende të tjera.

Por me një numër liderësh të G7-s që më vonë gjatë vitit do të përballen me zgjedhje, presioni për të bërë progres mbi çështjet e sigurisë është i lartë.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?