Nis sot sesioni i ri parlamentar, PS-PD debate në Konferencën e Kryetarëve

Nis pasditen e sotme sesioni i ri parlamentar. Pas disa javësh pushime, deputetët rikthehen në sallën e seancave plenare në orën 17:00. Në këtë sesion të ri kuvendin e presin dy reforma për miratim ajo ‘zgjedhore’ dhe ‘territoriale’.

Seancës parlamentare i parapriu mbledhja e konferencës së kryetarëve, ku palët u përfshin nga debatet.

Në emër të grupit të PS, Taulant Balla i bëri të ditur opozitës se nëse tërhiqen nga komisionet e posaçme për reformën zgjedhore dhe atë territoriale, PS do të jetë e detyruar të vijojë punën e vetme për hartimin e reformave të reja ndërsa Agron Gjekmarkaj në radhët e PD, kërkoi nga kryetari i Kuvendit respektim të rregullores për këtë sesion të ri parlamentar.