Nishani i zhgënjyer nga humbja: Basha të japë dorëheqjen

Ish-presidenti i Shqipërisë, Bujar Nishani i ka cilësuar zgjedhjet e 25 prillit një dështim.

Dëshpërimi dhe zhgënjimi i atyre që mbështesin opozitën është për shkak se ndryshimi i shumë pritur nuk erdhi dhe sipas Nishanit, “qeverisja e korruptuar” e Edi Ramës do të vijojë edhe për katër vite të tjera.

Ndërkaq, ish-presidenti i la gjithë përgjegjësinë e humbjes, kreut të Partisë Demokratike, Lulzim Bashës duke theksuar se ai nuk është përfaqësues i demokratëve të vërtetë.

“Sot është momenti që Partia Demokratike të çlirohet nga shembulli i paaftësisë dhe modelit që po e asgjëson pak nga pak. Sot përgjegjësi kryesor i 4 humbjeve politike radhazi vendosi të mbajë peng Shtëpinë e Lirisë, në interes të pushtetit të tij personal! Z. Basha sot duhej të merrte përgjegjësinë e dështimit të tij personal prej 8 vitesh,” – u shpreh Nishani.

Me thirrjen që teksa Edi Rama “mban peng” Shqipërinë, Lulzim Basha të mos mbajë peng Partinë Demokratike, ish-presidenti Nishani solli në vëmendje se PD-ja nuk është pronë personale e asnjë njeriu.

LEXONI GJITHASHTU: 

• Lulzim Basha: Zgjedhjet një masakër elektorale, nuk do të dorëzohemi
• Ftesa e Ramës për bashkëpunim, Haxhiu: S’pashë zgjatje dore, Bushati: S’ka gjë reale
• Bushati: Basha duhet ta japë dorëheqjen, Haxhiu tha se Basha duhet të mbante një qëndrim