Këngëtarja Beyonce ka njoftuar realizimin e një projekti kinematografik. Filmi do të sjellë prapaskenat e turneut të saj më të suksesshëm të titulluar Rilindja.

Turneu i suksesshëm i Beyonce përfundoi gjatë fundjavës dhe menjëherë artistja njoftoi për filmin e ri “Rilindja” me pjesë nga perfomanca dhe prapaskena e turneut i cili do të dalë në dhjetor.

Filmi “Rilindja” do të ndjekë udhëtimin e turneut botëror nga hapja e tij në Stokholm në muajin maj deri në finalen e ti. “Bëhet fjalë për qëllimin, punën e palodhur, përfshirjen në çdo aspekt të prodhimit, mendjen e saj krijuese dhe qëllimin për të krijuar trashëgiminë e saj”, thuhet në një njoftim.

“Kur jam duke performuar, nuk jam gjë tjetër veçse e lirë”, thotë Beyoncé në trailerin e filmit “Qëllimi im për këtë turne ishte të krijoja një vend ku të gjithë janë të lirë dhe askush nuk gjykohet.”

Traileri përfshin gjithashtu pamjet nga prapaskenat e këngëtares duke bërë prova me vajzën e saj Blue Ivy Carter, e cila performoi në turne.

Filmi me pamjet e koncertit dhe aksionin e prapaskenës do të shfaqet në kinematë amerikane, kanadeze dhe meksikane nga 1 dhjetori.

Beyoncé ka publikuar më parë një sërë filmash të bazuar në koncerte, më i njohuri prej të cilëve është Homecoming, shkruar, prodhuar dhe drejtuar nga vetë muzikantja.

LEXONI GJITHASHTU:

• Suedia “akuza” Beyonce, e fajëson për rritjen e inflacionit në vend
• Beyonce thyen rekordin, artistja më e vlerësuar në histori