Një muaj luftë Izrael-Hamas, 4 mijë fëmijë të vrarë
“Askund nuk jemi të sigurt”. Është kjo thirrja e dëshpërimit të njerëzve në Gaza që përpiqen të çojnë të lënduarit në spital.
Një muaj nga sulmi i Hamasit në fshatrat izraelite, që vrau 1.400 persona, përgjigjja e Izraelit ka rrafshuar shumicën e Rripit të Gazës – ka bërë të ditur Ministria e Shëndetësisë në Gaza, e cila shton se 10 mijë persona kanë vdekur, përfshirë 4 mijë fëmijë.
Sekretari i përgjithshëm i OKB ka përsëritur thirrjen për armëpushim.
“Gaza po kthehet në një varrezë fëmijësh. Disa qindra vajza dhe djem po vriten dhe po lëndohen çdo ditë. Më shumë gazetarë janë vrarë në këto 4 javë sesa në një tjetër konflikt në të paktën tre dekadat e fundit. Gjithashtu janë vrarë më shumë punonjës të OKB-së në këtë periudhë sesa në gjithë në historinë e organizatës sonë”, deklaroi Antonio Guterres, sekretar i përgjithshëm i OKB-së.
Forcat izraelite kanë intensifikuar fushatën me pretendimin se po godasin infrastrukturën e Hamasit, duke minimizuar vdekjet e civilëve.
Presidenti amerikan Joe Biden dhe kryeministri Netanyahu po diskutojnë mundësinë e ndërprerjeve taktike të sulmeve për të lejuar hyrjen e ndihmave në Gaza, por shteti hebre ka deklaruar se nuk do të ketë armëpushim pa u liruar rreth 200 pengjet e rrëmbyer nga Hamas.
Rreth 80 persona me nënshtetësi të dyfishtë kaluan nga Gaza në Egjipt përmes kalimit të Rafahut, pasi evakuimet u ndërprenë për 2 ditë, pasi një ambulancë u godit nga një sulm izraelit ditën e premte.
Militantët në Liban kanë deklaruar se kanë qëlluar 16 raketa ndaj Izraelit; ndërsa në Jemen, rebelët Huthi të mbështetur nga Irani kanë kryer sulme me dronë.
Ndërkohë, foto të pengjeve të Hamasit janë projektuar në muret e qytetit të vjetër të Jerusalemit. Mbi 200 izraelitë u morën peng gjatë sulmit ndërkufitar që i dha jetë këtij konflikti dhe vetëm 5 prej tyre janë liruar.
LEXONI GJITHASHTU:
Kryefaqja
E vërteta e rrëzimit të Concorde, ëndrra supersonike që përfundoi në tragjedinë e 25 korrikut 2000
Macron premton rindërtimin pas zjarreve në Francë: Shteti do të jetë në terren sa të jetë e nevojshme
Spanja dhe Franca në betejë me flakët, zjarret jashtë kontrollit (VIDEO)
- 21:58 E vërteta e rrëzimit të Concorde, ëndrra supersonike që përfundoi në tragjedinë e 25 korrikut 2000
- 21:48 Macron premton rindërtimin pas zjarreve në Francë: Shteti do të jetë në terren sa të jetë e nevojshme
- 21:37 Zbulim i rrallë në Parkun Kombëtar të Llogarasë, eksploruesit gjejnë zgavrën 70 metra të thellë
- 21:01 Rrëfehet xhaxhai i Rozalindës: Kishte mbi 40 ditë kërcënime nga Buzi, institucionet dështuan
- 20:42 Protesta në ditën e 56-të, qytetarët mblidhen para Kryeministrisë dhe paralajmërojnë tubim të ri të hënën te Parlamenti
- 20:30 Gazetari zbulon detaje nga tragjedia në Roskovec: Rozalinda pa vrasjen e prindërve dhe u mor peng