Një strehë e madhe nëntokësore 2000-vjeçare zbulohet në veri të Izraelit

Në veri të Izraelit, në vendin e Hukok, arkeologët zbuluan një strehë të madhe nëntokësore, rreth 100 metra e gjatë, e përbërë nga tunele të ngushta dhe dhoma më të mëdha, të cilat u gërmuan nga komunitetet hebraike pothuajse 2000 vjet më parë gjatë rebelimit kundër Perandorisë Romake.

Është streha e parë në një shkallë të tillë nga ajo epokë e gërmuar në veri të Izraelit. Historiani Jinon Shivtiel tha se streha ishte mjaft e gjerë për të fshehur familje të tëra dhe përfshinte vende për të qëndruar, mbledhur dhe ruajtur sendet me vlerë, raportoi Reuters.

Shivtiel theksoi se nuk kishte shenja dëmtimi në vendstrehim, që do të thotë se luftimet nuk arritën në zonë.

Gjatë gërmimeve, arkeologët gjetën një unazë bronzi që i përshtatet gishtit të një fëmije. Gjatë asaj periudhe, pati dy rebelime të pasuksesshme kundër romakëve në Tokën e Shenjtë, e para prej të cilave kulmoi me shkatërrimin e Tempullit të Dytë në Jerusalem në vitin 70 pas Krishtit.

LEXONI GJITHASHTU:

• Zbulohet kush fshihet pas sulmeve ndaj rafinerive ruse të naftës
• Zbulohet baza e grupeve kriminale në Sukth, i furnizonte me armë dhe municione